Newton á ferð og flugi – eðlisfræðilota í Bræðingi

Við hófum árið í Bræðingnum okkar á eðlisfræðilotu sem fjallar m.a. um það hvernig kraftar breyta hreyfingu, um ólíka krafta og hvernig aukin þekking okkar á kröftum og hreyfingu hefur víðtæk áhrif á líf okkar. Nemendur læra að nota mælitæki til að mæla vegalengd, hraða, tíma og kraft.

Nemendur prófa sig áfram með ýmsum tilraunum auk þess að vinna með ýmis eðlisfræðihugtök. Í tilraununum hafa nemendur t.d. skoðað hvað gerist þegar eggi er stillt ofan á pappahólk, pappadisk og glas. Hvað gerist þegar slegið er í diskinn? Þar eru hugtökin tregða og þyngdarkraftur að verki. Einnig hafa þeir skoðað og mælt meðalhraða við mismunandi hreyfingu, svo sem þegar ákveðin vegalengd er hlaupin er eða skriðin.

Hægt er að skoða fleiri myndir hér

Hér er líka stutt myndband sem sýnir eina aðferð mælingar.