Friðgarður

Gerðaskóli hefur verið að þróa kennsluúrræði sem við köllum Friðgarð. Markmið kennsluúrræðisins er að vinna faglega að því að efla og byggja upp færni nemenda til að geta verið sem mest í almennum bekk. Núna eru starfandi 2 þroskaþjálfar ásamt leiðbeinanda í Friðgarði. Deildarstjóri stoðþjónustu er yfir Friðgarði. Það er alltaf markmiðið að nemendur öðlist þjálfun í að geta verið sem mest í vinnu með bekkjarfélögum. Aðkoma stuðningsfulltrúa er að flestum nemendum sem koma í Friðgarð og stýrir deildarstjóri stoðþjónustu þeim í sinni vinnu. Í Friðgarði eru kennslusvæði, skynörvunarherbergi, spilaherbergi og hvíldarherbergi.